Islom.uz порталидан сиз азиз мухлисларга ажойиб туҳфа!

Islom.uz портали томонидан ўзбек тилига таржима қилинган, юз минглаб мухлисларнинг қалбидан жой эгаллаган «ҚУРЪОНДА КЕЛГАН ИНСОНЛАР ҚИССАСИ» мультсериалининг навбатдаги иккинчи фаслини намойиш этади. Мультсериалнинг иккинчи фасли «ҚУРЪОНДА ЗИКРИ КЕЛГАН АЁЛЛАР ҚИССАСИ» га бағишланади. Ушбу янги мультсериал, нафақат болалар, балки ёши катталарга ҳам қизиқарли ва фойдали бўлади деган умиддамиз.
Мультсериал 2002 йилда Миср давлатининг Cedars Art Production компанияси томонидан ишлаб чиқилган бўлиб, беш фаслдан иборат. Ҳар бир фасл 30 қисмни ташкил этади.
Islom.uz портали 2020 йили Cedars Art Production компанияси билан музокара олиб борди ва таржима, дубльяж ҳамда ижтимоий тармоқларда мультсериални тақдим этиш учун тегишли рухсатномани қўлга киритди. Манфаатли бўлган ушбу лойиҳа Quran.uz саҳифаси раҳбари, Ҳасанхон Яҳё Aбдулмажид қорининг ташаббуси билан амалга оширилди.

#Эълон #Туҳфа

Islom.uz порталининг Telegram каналига обуна бўлинг